ოფიციალურად: ფრენკი დე იონგი "ბარსელონაში" ითამაშებს

რამდენიმე წუთის წინ "ბარსელონამ" ოფიციალურად დაადასტურა, რომ ამსტერდამის "აიაქსის" 21 წლის ამომავალი ვარსკვლავი ფრენკი დე იონგი კარიერას კატალონიურ კლუბში განაგრძობს.

დე იონგი "ბარსელონას" პირველ ივლისს შეუერთდება. კატალონიელები ამსტერდამელებს 75 მილიონ ევროს გადაუხდიან. დამატებით 11 მილიონია გათვალისწინებული ბონუსების სახით.

ფეხბურთელი "ბარსასთან" 5-წლიან კონტრაქტს გააფორმებს.