სარეზერვო გუნდმა ისტორიული გამარჯვება მოიპოვა!

"ბარსელონა ბ" შიდა ჩემპიონატის 32-ე ტურის მატჩში "ელდენსეს" დაუპირისპირდა. ხერარდ ლოპესის გუნდმა ისტორია დაწერა. რეზერვისტებმა "მინიესტადიზე" დღევანდელი მეტოქე დამანგრეველი ანგარიშით, 12:0 დაამარცხეს.

"ბლაუგრანას" რიგებში თავი გამოიჩინეს რომერამ (3), ალფარომ (3), კარბონელმა, გუმბაუმ, პერეამ, კაპტუმმა, კარდონამ და აბელედომ.

"ტაბლოზე" დაფიქსირებული შედეგი საკმარისია იმისთვის, რომ მივხვდეთ, თუ რამდენად ეფექტურად მოქმედებდნენ დღეს "ლურჯ-ბროწეულისფრები" შეტევასა და თავდაცვაში. სხვაობა "ალკოიანოსა" და "ბარსა ბ"-ს შორის ამჟამად 6 ქულაა. კატალონიელებს სოლიდური უპირატესობა აქვთ, მაგრამ მათ უახლოეს მდევარს თავისი მატჩი არ ჩაუტარებია.

"ბარსელონა ბ":პუჩი, ნილი, მარლონი, მარტინესი, კუკურელა, სარსანედასი, კარბონელი, გუმბაუ, პერეა, ალფარო და რომერა.

"ელდენსე": სანიერი, მატეო, სესარი, დავიდი, ხუილე, ბერხონსი, მიკე, მურატორე, ტაბალა, ჰანსი და ნიკო შაფერი.

მსგავსი შედეგი ჩემპიონატში ბოლოს 1993 წლის მაისში დაფიქსირდა, როცა "ესტრემადურამ" 12:0 დაამარცხა "პორტუენსე".

სატურნირო ცხრილი

მომდევნო მატჩი: 09/04/2017. 20:00 "ბადალონა" - "ბარსელონა ბ".