მესი:"არ არის საჭირო პრობლემის მოძებნა, სადაც ის არ არის"

"ბარსელონას" თავდამსხმელმა ლიონელ მესიმ, გუშინ "გრანადასთან" გამარჯვების შემდეგ (2:0) ლა ლიგის მე-5 ტურში, გულშემატკივარი დაამშვიდა და განაცხადა რომ მას დავიდ ვილიასთან არანაირი პრობლემა არ აქვს.

შეგახსენებთ რომ მატჩის მსვლელობისას მეტოქის კართან ერთ-ერთი მომენტისას არგენტინელმა და ესპანელმა ერთმანეთს ვერ გაუგეს და სიტყვიერი შელაპარაკებაც ჰქონდათ. 

"არ არის საჭირო პრობლემის მოძებნა სადაც ის არ არის. მე და დავიდს არაჩვეულებრივი ურთიერთობა გვაქვს და ერთმანეთსაც კარგად ვუგებთ. ეს იყო ჩვეულებრივი სიტუაცია მატჩის დროს." - განაცხადა მესიმ.