ნეიმარი გუნდთან ერთად პოლონეთში გაემგზავრა

კატალონიის ''ბარსელონას'' ახალწვეული გუნდს გუშინ შეუერთდა და დღეს პოლონეთში გაყვა. გუნდისთვის ეს თამაში რიგით მესამე გამოდგება ამ სეზონში. შეგახსენებთ, რომ გასულ შეხვედრებში ''ბარსა'', მიუნხენში დამარცხდა 2-0 ''ბაიერნთან''. ხოლო ნორვეგიაში ფეხბურთელებმა დამაჯერებელი გამრჯვება მოიპოვეს. მათ ''ვალერენგას'' შვიდი უპასუხო გოლი გაუტანეს.

გუნდი ადგილობრივი დროით 9:30 წუთზე იყო აეროპორტში. სავარაუდოდ 12:30 წუთზე ისინი პოლონეთში ჩაფრინდებიან. ჩასვლის შემდეგ დაგეგმილია პრეს–კონფერენცია 13:30 წუთზე, სადაც ჟურნალისტების წინაშე ალექსის სანჩესი და ალექს სონგი წარსდგებიან.

მარტინოს განკარგულებაში 24 ფეხბურთელია. მოგეხსენებათ, რომ კონფედერაციის თასიდან უკვე დაბრუნდნენ ფეხბურთელები. გუნდთან ერთად ასევე გაემგზავრნენ სანდრო როსელი, ანდონი სუბისარეტა და ჟოზეპ-მარია ბართომეუ. თამაში დღეს ''ლეხიას'' წინააღმდეგ თბილისის დროით 22:45 დაიწყება.