პიკემ ტრავმა მიიღო, მაგრამ „სიტისთან“ ითამაშებს

"ბარსელონას" ცენტრალურმა მცველმა ჟერარდ პიკემ გუნდის დღევანდელი სავარჯიშო სესია გამოტოვა, იტყობინება El Mundo Deportivo.

ფეხბურთელმა ტრავმა ესპანეთის ჩემპიონატის 27-ე ტურის, "ვალიადოლიდის" წინააღმდეგ მატჩში მიიღო. ტრავმა არ არის სერიოზული ხასიათის და პიკეს ხელს არ შეუშლის მოედანზე გასვლაში ჩემპიონთა ლიგის 1/8 ფინალის მეორე, "მანჩესტერ სიტისთან" მატჩში, რომელიც გაიმართება 12 მარტს.

მოსალოდნელია, რომ პიკე ვარჯიშს უკვე ხვალ დაუბრუნდება.