ალვესი: "ვფიქრობ, ყველასთვის ნათელია, ვინაა საუკეთესო"

"ბარსელონას" ბრაზილიელი მარჯვენა მცველი დანი ალვესი მიიჩნევს, რომ მისმა არგენტინელმა თანაგუნდელმა, ლიონელ მესიმ სხვა დანარჩენ ფეხბურთელებთან თავისი უპირატესობა "ესპანიოლთან" გამართულ შეხვედრაში დაამტკიცა.

"ვფიქრობ, ყველასთვის ნათელია, ვინაა მსოფლიოში საუკეთესო ფეხბურთელი და ვინ მიიჩნევა ფეხბურთისთვის ამ ისტორიული ათწლეულის მბრძანებლად." - განაცხადა ალვესმა "ესპანიოლთან" გამართული თამაშის შემდეგ.

შეგახსენებთ, რომ მესიმ, "ესპანიოლთან" გამართულ დერბიში, ჰეთ თრიქი შეასრულა.