ფედერაციაში "ბარსელონას" გულშემატკივრების ქმედებებსაც შეისწავლიან

ესპანეთის საფეხბურთო ლიგას ქვეყნის ფეხბურთის ფედერაციაში საჩივარი არა მხოლოდ "რეალის", არამედ "ბარსელონას" წინააღმდეგაც შეაქვს. ამ ინფორმაციას ადგილობრივი პრესა ავრცელებს.

ლა ლიგის მე-14 ტურში, "ბარსელონასა" და "რეალის" გულშემატკივრები შეურაცხმყოფელი შეძახილებით გამოირჩეოდნენ. მადრიდელი ქომაგები შეურაცხყოფას ლიონელ მესისა და კატალონიას აყენებდნენ, ხოლო "ბარსას" გულშემატკივრები - მეტოქე "ესპანიოლს".

როგორც ცნობილია, ესპანეთში ტრიბუნებიდან წამოსული შეურაცხმყოფელი შეძახილების წინააღმდეგ ბრძოლაა დაწყებული და ფეხბურთის ლიგამ გადაწყვიტა რეაგირება ორივე ამ შემთხვევაზე მოახდინოს.