ბართომეუ: "თამაშების დაწყების დრო ბავშვებზე უნდა იყოს ორიენტირებული"

"ბარსელონას" პრეზიდენტი ხოსეპ მარია ბარტომეუ მიიჩნევს, რომ ლა ლიგის თამაშების დაწყების დრო ბავშვებზე უნდა იყოს მორგებული.

"დღეს, ჩვენ კვლავ იმ დროს ვითამაშეთ (ადგილობრივი დროით 17 საათი), რომელიც ყველას მოგვწონს. 74 ათასი გულშემატკივარი კარგი მაჩვენებელია, განსაკუთრებით იმის გათვალისწინებით, რომ კარნავალის დროს ხალხის ფეხბურთისკენ მიზიდვა რთულია.

მიმაჩნია, რომ თამაშების დაწყების დრო იმ ოჯახებზე უნდა იყოს ორიენტირებული, რომლებსაც ბევრი ბავშვი ჰყავთ."