"ბარსელონამ" სატელევიზიო უფლებები Telefonica-ს მიჰყიდა

"ბარსელონას" ოფიციალური საიტის ინფორმაციით, კატალონიური კლუბის ახალი სატელევიზიო პარტნიორი Telefonica იქნება.

ბოლო 8 წლის განმავლობაში, "ბარსელონას" თამაშების ჩვენების უფლებას Mediapro ფლობდა, რომელთან ურთიერთობის გაგრძელებაც "ბარსამ" არ ისურვა.

"ბარსელონასა" და Telefonica-ს შორის გაფორმებული ხელშეკრულება ძალაში მომდევნო სეზონის დასაწყისში შევა და ის მომდევნო ერთი წლის განმავლობაში იმოქმედებს. 2016/17 წლების სეზონიდან კი ესპანეთში ამოქმედდება წესი, რომლის მიხედვითაც ყველა გუნდის სატელევიზიო უფლებები ერთად გაიყიდება.

ესპანელი ჟურნალისტების ცნობით, "ბარსელონა" Telefonica-სგან იმდენივეს მიიღებს, რამდენსაც Mediapro-სგან ღებულობდა, ანუ 140 მილიონი ევროს.