ლუის ენრიკემ ვერმალენი განაცხადიდან ამოაგდო

"ბარსელონას" მთავარმა მწვრთნელმა, ლუის ენრიკემ, გუნდის ბელგიელი ცენტრალური მცველი ტომას ვერმალენი პსჟ-სთან ჩემპიონთა ლიგაზე გასამართი თამაშის განაცხადიდან ამოაგდო. ამ ინფორმაციას "ბარსას" ოფიციალური საიტი ავრცელებს.

დაახლოებით ნახევარი საათის წინ ცნობილი გახდა, რომ ვერმალენი, რომელსაც ექიმებისგან თამაშის ნებართვა ჯერ არ მიუღია, 23-კაციან განაცხადში მოხვდა. თუმცა, ენრიკემ გადაწყვეტილება მაინც შეცვალა. საბოლოო გადაწყვეტილებით, ვერმალენი ბარსელონაში დარჩება და მკურნალობის პროცესს განაგრძობს.