ჩავის სტატისტიკა ჩემპიონთა ლიგაზე

რამდენიმე დღის წინ, "ბარსელონამ" ისტორიაში 27-ედ მოიგო ესპანეთის თასი, ჩავი ერნანდესმა კი 24-ე ტიტული მოიპოვა, ფრანსისკო ხენტოს გადაასწრო და ესპანეთში ყველაზე ტიტულიანი ფეხბურთელი გახდა. ესპანურ ფეხბურთში ამ უნიკალური შედეგის გარდა, ჩავი ჩემპიონთა ლიგაზეც მოწოდების სიმაღლეზეა.

"ბარსელონას" ლეგენდის ანგარიშზე ჩემპიონთა ლიგაზე 150 მატჩია და ამ მაჩვენებლით ის ერთ-ერთი პირველია კასილიასთან ერთად. თუმცა, შაბათს, "იუვენტუსთან" მატჩში, შესაძლოა, 35 წლის ჩავი, ლიგაზე ჩატარებული მატჩების რაოდენობით, რეკორდსმენი გახდეს.

UEFA-ს ოფიციალური საიტი გვთავაზობს ჩავის სატატისტიკურ მონაცემებს ჩემპიონთა ლიგაზე გრაფიკული გამოსახულებით.