ნეიმარი ნაკრებშიც ბრწყინავს

დღეს დილით 2015 წლის კოპა ამერიკაზე ბრაზილიის ნაკრებმა პერუსთან თავისი პირველი მატჩი გამართა. შეხვედრაში მონაწილეობა მიიღეს "ბარსელონელებმაც", რომლებმაც უმნიშვნელოვანესი როლი ითამაშეს სელესაოს გამარჯვებაში.

თამაშში ანგარიში პერუმ მე-3 წუთზე გახსნა, 2 წუთში კი "ბარსელონას" ვარსკვლავმა ნეიმარმა, რომელმაც პირველი ტაიმის ბოლოს ყვითელი ბარათიც მიიღო, ალვესის შესანიშნავი გადაცემით წონასწორობა აღადგინა. გამარჯვების გოლი დუგლას კოსტას დამატებით დროში ნეიმარმა გაატანინა. 2-ივე "ბარსელონელმა" მატჩი შეუცვლელად ჩაატარა.

დღეს ღამით გაიმართება ჩილესა და მექსიკას შორის შეხვედრა, რომელშიც მონაწილეობას მიიღებს კატალონიური კლუბის მეკარე კლაუდიო ბრავო.