მესი ევროპის საუკეთესო ფეხბურთელია

რამდენიმე წამის წინ ცნობილი გახდა, რომ "ბარსელონას" ლიდერი ლიონელ მესი ევროპის 2014/15 წლების სეზონის საუკეთესო ფეხბურთელი გახდა. არგენტინელი ისტორიაში პირველი ფეხბურთელია, რომელმაც ეს ჯილდო 2-ჯერ მოიგო. მანამდე მესი ევროპის საუკეთესო ფეხბურთელად 2011 წელს დასახელდა.

მესის გარდა, ეს ჯილდო ანდრეს ინიესტას, ფრანკ რიბერისა და კრიშტიანუ რონალდუს მოუგიათ. წელს კი, ლეოს კონკურენტები ლუის სუარესი და კრიშტიანუ რონალდუ იყვნენ.