„ბარსელონა“ უოლკოტით ინტერესდება

ბრიტანული გამოცემა The Mirror იტყობინება, რომ კატალონიის "ბარსელონა" ლონდონის "არსენალის" შემტევით თეო უოლკოტით ინტერესდება.

"ბარსელონა" 26 წლის ინგლისელით შეტევის ხაზის გაძლიერებას შეეცდება. შეგახსენებთ, რომ უოლკოტი "არსენალის" ღირსებას 2006 წლიდან იცავს. არაოფიციალური ინფორმაციით ფეხბურთელის სატრანსფერო ფასი 25 მილიონი ევროა. 

მიმდინარე სეზონში უოლკოტმა 14 შეხვედრა ჩაატარა და 3 საგოლე გადაცემასთან ერთად 4 გოლის გატანაც მოახერხა.