ლუის ენრიკე: "შემიძლია შოუ დავდგა"
"ბარსელონას" მთავარმა მწვრთნელმა, ლუის ენრიკემ, "ვალენსიასთან" ქულების დაკარგვის შემდეგ, კომენტარი გააკეთა და განაცხადა, რომ მისმა გუნდმა კარგად ითამაშა.
"ასეთ რთულ სტადიონზე თამაშის შემდეგ გუნდის კრიტიკა არ შეიძლება. თამაშს ვაკონტროლებდით და პრობლემა თითქმის არ შეგვქმნია. თუმცა, დახარჯული ძალისხმევის გამო ფეხბურთს ჩვენთვის ვალი არ დაუბრუნებია.
"ვალენსია" დაცვაში ძალიან კარგად თამაშობდა. პაკო ალკასერმა შესანიშნავი მატჩი ჩაატარა, სანტი მინამ კი ბოლოს კარგად ითამაშა.
არ მიმაჩნია, რომ ნელა ვმოძრაობდით. გუნდმა კარგად ითამაშა. იმის მიუხევადავად, რომ მეტოქე დაცვიდან თამაშობდა და ამას კარგად აკეთებდა, გოლის გატანის ბევრი შანსი გვქონდა. ამ თამაშისადმი გუნდის მიდგომით კმაყოფილი ვარ.
მესი, ისევე, როგორც მთელი გუნდი, კარგი იყო. ის მატჩიდან მატჩამდე უმატებს.
ლუის სუარესის გოლი ჯერ არ მინახავს. ამის დრო არ მქონდა და არ ვიცი, იყო თუ არა თამაშგარე.
დააბიჯა თუ არა სუარესმა აბდენურს ფეხი? მაკგაივერის (გმირი სერიალისა "საიდუმლო აგენტი მაკგაივერი") დონისთვის ჯერ არ მიმიღწევია. არ შემიძლია აბსოლუტურად ყველაფერი დავინახო. თუმცა, შემიძლია შოუ დავდგა."
ამ სიახლეზე კომენტარები გათიშულია.
კომენტარები [ 21 ]