ენრიკე: "ძალიან რთულია მომენტების შექმნა გუნდის წინააღმდეგ, რომელიც მთლიანად დაცვაში ზის"
"ბარსელონას" მთავარმა მწვრთნელმა, ლუის ენრიკემ "მალაგასთან" მატჩი (0:0) შეაჯამა.
"ძალიან რთულია მომენტების შექმნა გუნდის წინააღმდეგ, რომელიც მთლიანად დაცვაში ზის.
მე მხოლოდ ჩემი ფეხბურთელებისა და გულშემატკივრების შექება შემიძლია. ვერ გავიმარჯვეთ, მაგრამ ეს დავიმსახურეთ.
ჩვენ მივეჩვიეთ ისეთი გუნდების წინააღმდეგ თამაშს, რომლებიც დაცვაში მტკიცედ სხედან, მაგრამ ეს არ ნიშნავს, რომ ყოველ ჯერზე გამოსავალს ვიპოვით.
პაკო ალკასერმა ისევე კარგად ითამაშა, როგორც დანარჩენმა ფეხბურთელებმა. პაკო ახალი მოთამაშეა და მას მეტი დრო სჭირდება, რათა გოლები გაიტანოს.
ჩვენ ყველაფერი გავაკეთეთ, რათა გაგვემარჯვა, მაგრამ შეტევების დასრულებაში სიზუსტეები არ გვეყო. ეს ერთადერთი მომენტია, რის გამოც შემიძლია ფეხბურთელები გავაკრიტიკო.
ყოველთვის კარგია, როდესაც ისეთი ფეხბურთელი, როგორიც პიკეა, მწყობრში ბრუნდება. მას სიმაღლის წყალობით მომენტების შექმნისთვის პოტენციალი აქვს. მაღალი გადაცემებით მის მომარაგებას ვცდილობდით.
ჩვენ მესი და სუარესი დავკარგეთ - საკვანძო ფეხბურთელები, რომლებსაც გამარჯვებები მოაქვთ." - განაცხადა ლუის ენრიკემ.
ამ სიახლეზე კომენტარები გათიშულია.
კომენტარები [ 4 ]