ლუის ენრიკე: "ეს "ბარსელონა" არ ჰგავდა იმას, რომელსაც მივეჩვიეთ"

"ბარსელონას" დამრიგებელმა, ლუის ენრიკემ, "ლევერკუზენთან" ჩემპიონთა ლიგაზე გამართული თამაშის (1:1) შემდეგ გამართულ პრესკონფერენციაზე ჟურნალისტების შეკითხვებს უპასუხა.

"კარგია, რომ რამდენიმე ფეხბურთელის დასვენების საშუალება მომეცა. თუმცა, გუნდი მაინც ბრძოლისუნარიანი იყო. ეს "ბარსელონა" ცოტათი განსხვავებული იყო იმისგან, რასაც ბოლო თვეებში ვხედავდით. ამის მიუხედავად, მიზანს მივაღწიეთ და ჯგუფში პირველი ადგილი დავიკავეთ.

ტურნირზე 32 გუნდი იყო, რომელთაგან 16 დარჩა. საბოლოო გამარჯვებამდე კიდევ დიდი დროა.

ტერ შტეგენმა მაღალ დონეზე ითამაშა. ის ძალიან დამაჯერებელი იყო. ეს, მისთვის, სამომავლოდ, დამატებითი სტიმული იქნება.

ტრავმა ყოველთვის ცუდია. არ ვიცით, რამდენი დრო გაუცდება ნეიმარს. გრაფიკი არ არსებობს. ყველაფერი ტრავმაზეა დამოკიდებული. ფეხბურთელი და ექიმები მალე გაარკვევნ, როდის დაუბრუნდება ის ვარჯიშს."