პიკე: "მოწინააღმდეგის შესწავლა ჯერ არ დაგვისრულებია"
"ბარსელონას" ცენტრალურმა მცველმა, ხერარდ პიკემ "გუანჩჟოუსთან" გასამართი მატჩის წინ პრესკონფერენცია გამართა, სადაც განაცხადა, რომ გუნდი გამარჯვებისთვის ემზადება.
"ჩვენ ვემზადებით გასამარჯვებლად. ფიფას მსოფლიო საკლუბო ჩემპიონატი პრესტიჟული ტურნირია, მასში მონაწილეობის მისაღებად ჩემპიონთა ლიგის მოგებაა საჭირო. ეს უნიკალური შესაძლებლობაა, გააგრძელო გამარჯვების ისტორია.
ტურნირი განსაკუთრებულია, რადგან აერთიანებს ისეთ გუნდებს, რომლებიც ჩვეულებრივ პირობებში ერთმანეთს ვერ შეხვდებიან. მაგრამ ამით საშუალება გვეძლევა მივიღოთ ახალი გამოწვევები და გამოცდილება. გავიგოთ ახალი კულტურისა და ფეხბურთის სხვადასხვა სტილის შესახებ, რაც პროფესიონალურ დონეზე კარგია.
ვფიქრობ, "გუანჩჟოუ" ცდილობს ყველაფერი გააკეთოს შესაძლებლობის ფარგლებში, რათა "ბარსელონას" საკუთარ სტილში ეთამაშონ. ამის გასაკეთებლად ერთი გზა - წესების დარღვევაა. ამასთანავე სკოლარი თავდაცვითი მწვრთნელია.
ჩვენ ჯერ კიდევ არ დაგვისრულებია მოწინააღმდეგის ბოლომდე შესწავლა. აზიური გუნდი ძალიან დინამიურია, თამაშისთვის ინტენსიურად ემზადებიან. ჩვენ უნდა ვაკონტროლოთ ბურთი და საკუთარი თავისთვის შევქმნათ კოფორტული ტემპი." - განაცხადა პიკემ.
ამ სიახლეზე კომენტარები გათიშულია.
კომენტარები [ 8 ]