"ბარსელონას" სანდროს გაყიდვა სურს

"ბარსელონას" ახალგაზრდა თავდამსხმელის, სანდრო რამირესის არენდით აყვანა "ბეტისს" სურს, თუმცა კატალონიელები ახალგაზრდა ფეხბურთელის გაყიდვას აპირებენ.

Goal.com–ის ცნობით, "ბარსელონამ" "ბეტისს" სანდროს არენდით გადაცემაზე უარი განუცხადა, რადგან მათ გადაწყვიტეს, რომ ესპანელი მოთამაშე მიმდინარე სატრანსფერო ფანჯრის დროს გაყიდონ. სანდრომ, თურანისა და ვიდალის დარეგისტრირების შემდეგ, თავისი შესაძლებლობების დამტკიცების შანსი მთლიანად დაკარგა.

წყაროების ცნობით, სანდროს კანდიდატურას ინგლისში განიხილავენ, მისი შეძენით "ნიუკასლი" და "ტოტენჰემი" არიან დაინტერესებულნი.

აქვე გეტყვით, რომ მიმდინარე სეზონში ფეხბურთელმა ლა ლიგაში 10 შეხვედრა ჩაატარა და ვერცერთი გოლი ვერ გაიტანა, მან ჰეთრიკის შესრულება, მხოლოდ ესპანეთის თასის გათამაშებაში შეძლო.