ნეიმარის მამის თქმით, მის შვილს ბრალი არაფერში მიუძღვის

ნეიმარ ჟუნიორის მამისა და აგენტის, ნეიმარ უფროსის განცხადებით, იმ შემთხვევაში, თუ მისი შვილის "სანტოსიდან" "ბარსელონაში" გადასვლის დროს რამე წესი დაირღვა, თავად ფეხბურთელმა ამის შესახებ არაფერი იცოდა.

გუშინ, მადრიდში, ნეიმარის საქმესთან დაკავშირებით სასამართლო სხდომა გაიმართა, რომლის დროსაც ნეიმარი და მისი მამა დაიკითხნენ. ფეხბურთელის მამამ განაცხადა, რომ მისი შვილის საქმე მხოლოდ ფეხბურთის თამაშია და მას ტრანსფერთან დაკავშირებით გამართულ მოლაპარაკებებში მონაწილეობა არ მიუღია. მან მხოლოდ "ბარსელონაში" გადასვლაზე განაცხადა თანხმობა, იმის მიუხედავად, რომ სხვა კლუბებისგან უკეთესი შეთავაზებები ჰქონდა.