აბელარდო: "ჩემი მიზანი გუნდის პრიმერაში დატოვებაა და არა "ბარსელონასთან" მოგება"
"ბარსელონას" ყოფილი ცენტრალური მცველი აბელარდო, რომელიც ამჟამად "ხიხონს" წვრთნის, ამ გუნდებს შორის დღეს გასამართი დაპირისპირების წინ კომენტარს აკეთებს.
"ასეთ მატჩში მონაწილეობას იმის წყალობით მივიღებთ, რომ "ხიხონი" პრიმერაში თამაშობს. შემიძლია სათაურისთვის იდეა მოგაწოდოთ: ახალგაზრდები მსოფლიოს საუკეთესო გუნდის წინააღმდეგ ითამაშებენ.
ლუის ენრიკე ჩემი მეგობარია. თუმცა, თამაშის დროს, ის "ბარსელონას" ინტერესებიდან გამომდინარე იფიქრებს, მე კი - "სპორტინგის". ახალგაზრდობაში, ჩვენ არ გვიფიქრია, რომ "რეალში", "ბარსელონაში", ან ესპანეთის ნაკრებში ვითამაშებდით.
"ბარსელონას" ამჟამინდელი შემადგენლობა კლუბის ისტორიაში საუკეთესო გუნდის დონეზეა. არ ვფიქრობთ იმაზე, თუ რას შეძლებს "ხიხონი". ჩვენი მიზანია რაც შეიძლება კარგად ვითამაშოთ.
შევეცდებით, "ბარსელონას" ამოცანა გავურთულოთ. თუმცა, ეს რთულია არა მარტო "ხიხონისთვის", არამედ ნებისმიერი გუნდისთვის. ჩემი მთავარი ამოცანა არა "ბარსელონას" დამარცხება, არამედ "ხიხონის" პრიმერაში დატოვებაა." - აცხადებს აბელარდო, რომელიც ლუის ენრიკესთან რამდენიმე ათეული წელია მეგობრობს. ისინი, 1989-91 წლებში, "ხიხონში", ხოლო 1996-2002 წლებში "ბარსელონაში" ერთად თამაშობდნენ.
ამ სიახლეზე კომენტარები გათიშულია.
კომენტარები [ 11 ]