"იუვენტუსი" მასკერანოს შეძენის იმედს არ კარგავს
ტურინის "იუვენტუსი" "ბარსელონას" არგენტინელი უნივერსალის, ხავიერ მასკერანოს შეძენის იმედს არ კარგავს. ამ ინფორმაციას Tuttosport ავრცელებს.
რამდენიმე კვირის წინ ცნობილი გახდა, რომ "იუვენტუსს" "ბებერ სინიორას" 32 წლის ფეხბურთელის დამატება სურს, თავად მასკერანო კი "ბარსელონას" მისდამი დამოკიდებულებით უკმაყოფილოა და კლუბის გამოცვლას არ გამორიცხავს.
არგეტინელის გამოსასყიდი თანხა 40 მილიონი ევროა, თუმცა, ბუნებრივია, "იუვენტუსი" 32 წლის ფეხბურთელში ამ თანხის გადახდას არ აპირებს. ტურინელებმა იციან, რომ კოპა ამერიკის დასრულების შემდეგ, მასკერანო "ბარსელონას" წარმომადგენლებს შეხვდება და მათთან საკუთარ მომავალზე ისაუბრებს. კატალონიელებს იმედი აქვთ, რომ მხარეები შეთანხმდებიან და მასკერანო გუნდს არ დატოვებს, ტურინელებს კი საპირისპიროს იმედი აქვთ.
ამ სიახლეზე კომენტარები გათიშულია.
კომენტარები [ 4 ]