მასკერანოს სანაკრებო კარიერასთან დაკავშირებით საუბარი არ სურს

"ბარსელონას" არგენტინელი უნივერსალი ხავიერ მასკერანო ეროვნულ ნაკრებში დაბრუნებასთან დაკავშირებით კომენტარის გაკეთებისგან თავს იკავებს.

კოპა ამერიკის ფინალში ჩილესთან წაგების შემდეგ, სანაკრებო კარიერა არაერთმა არგენტინელმა დაასრულა. მათ შორისაა ხავიერ მასკერანოც. ჯერჯერობით უცნობია, აპირებს თუ არა 32 წლის ფეხბურთელი "ალბისელესტეში" დაბრუნებას.

"არგენტინის ნაკრებისადმი დიდი პატივისცემის მიუხედავად, ამ ეტაპზე, კომენტარისგან თავს შევიკავებ. ამ საკითხის განხილვა არავისთან მსურს, რადგან ჩვენთვის მტკივნეული კოპა ამერიკის გათამაშება ახლახანს დასრულდა. ახლა, გადაწყვეტილების მისაღებად საუკეთესო დრო არაა."