Goal: მესი ნაკრებში დაბრუნებას, ჯერჯერობით, არ აპირებს

ინტერნეტგამოცემა Goal ავრცელებს ინფორმაციას, რომლის თანახმდაც, "ბარსელონას" არგენტინელი ლიდერი ლიონელ მესი ეროვნულ გუნდში დაბრუნებას არ აპირებს.

მესიმ ნაკრებიდან წასვლა კოპა ამერიკის ფინალში ჩილესთან წაგების შემდეგ გადაწყვიტა. მოგვიანებით, გავრცელდა ინფორმაცია, რომ ლეომ ეროვნულ გუნდში დაბრუნება გადაწყვიტა, მაგრამ მალევე, ეს ცნობა უარყვეს.

მესის "ალბისელესტედან" წასვლის შემდეგ, გულშემატკივრების გარდა, მისი გადარწმუნება არგენტინის ფეხბურთის ასოციაციისა და ქვეყნის ხელისუფლების წარმომადგენლებმა სცადეს, თუმცა, როგორც ირკვევა, ჯერჯერობით, უშედეგოდ.

Goal.com მესის ოჯახის ერთ-ერთი წევრის სიტყვებს ციტირებს: "ამ ეტაპზე, ის არგენტინის ნაკრების წევრი არაა."