ჩაჯდება თუ არა მესი ციხეში?
უკვე 2 დღეა, მსოფლიო ფეხბურთში მთავარი ამბავი ლიონელ მესისთვის 21-თვიანი პატიმრობის მისჯის საკითხია. ჯერ კიდევ არაა გადაწყვეტილი, მოუწევთ თუ არა არგენტინელს და მის მამას სასჯელის ციხეში მოხდა.
Sport-ის ცნობით, ამის ნაკლები შანსია, რასაც 2 მიზეზი აქვს.
პირველი მიზეზი ისაა, რომ მხარეს გადაწყვეტილების გასაჩივრების უფლება აქვს.
ასევე ძალზე მნიშვნელოვანია ესპანური კანონმდებლობა, რომლის თანახმადაც, ადამიანი, შესაძლოა, ციხეს აცდეს, თუ მისი საპატიმრო სასჯელი 24 თვეზე ნაკლებია, მას კრიმინალური წარსული არ აქვს და ის ზიანს აანაზღაურებს. მესი და მისი მამა სამივე ამ მოთხოვნას აკმაყოფილებენ. თუმცა, ესპანელი ჟურნალისტების ინფორმაციით, მსგავს შემთხვევებში საპატიმრო სასჯელზე როგორც უარის თქმის, ასევე მისი გამოყენების პრეცედენტები არსებობს, ეს კი იმას ნიშნავს, რომ მესის თავისუფლება გარანტირებული ჯერ კიდევ არ აქვს.
ამ სიახლეზე კომენტარები გათიშულია.
კომენტარები [ 12 ]