ოფიციალურად: სანდრო რამირესი "მალაგას" შეუერთდა

20 წლის ესპანელი თავდამსხმელი სანდრო რამირესი, რომელმაც ბოლო 2 წელი "ბარსელონას" პირველ გუნდში გაატარა, "მალაგას" ფეხბურთელი გახდა. ანდალუსიურმა კლუბმა ტრანსფერი ოფიციალურად დაადასტურა.

სანდროს "ბარსელონასთან" კონტრაქტი 30 ივნისს დაუმთავრდა და ის "მალაგას" თავისუფალი აგენტის სტატუსით შეუერთდა. ფეხბურთელმა 3-წლიანი კონტრაქტი გააფორმა.

სანდრო რამირესი "ბარსელონას" 2009 წელს შეუერთდა, 2014 წელს კი ის პირველ გუნდში დაწინაურდა. კატალონიელთა მაისურით მან 32 თამაში ჩაატარა, 7 გოლი გაიტანა და 7 ტიტული მოიგო.