"სევილია" გამეიროს მხოლოდ 40 მილიონად გაყიდის
როგორც ჩანს, "ბარსელონას" "სევილიას" 29 წლის თავდამსხმელის, კევინ გამეიროს ხელში ჩაგდება ძალიან გაუჭირდება. ამის მიზეზი ისაა, რომ ანდალუსიელები ფრანგი შემტევის გამოსასყიდ თანხაზე იაფად გაშვებაზე კატეგორიულ უარს აცხადებენ.
გამეიროს გამოსასყიდი თანხა 40 მილიონი ევროა. კატალონიელებს იმედი ჰქონდათ, რომ ფეხბურთელს ხელში 25 მილიონად ჩაიგდებდნენ, მაგრამ როგორც ირკვევა, ეს არცთუ იოლად მოსახერხებელია.
აღნიშნულ საკითხთან დაკავშირებით კომენტარი "სევილიას" ვიცე-პრეზიდენტმა, ხოსე მარია დელ ნიდო კარასკომ გააკეთა: "სიმართლეა, რომ გამეიროს შეძენა რამდენიმე გუნდს სურს, მაგრამ ჩვენ მას 40 მილიონზე ნაკლებად არ გავყიდით. არ ვაპირებთ, ფეხბურთელს 39 მილიონად, ან 38.5 მილიონად შეველიოთ.
ჩვენი სურვილია, კევინი ხორხე სამპაოლის ახალი სპორტული პროექტის ლიდერად იქცეს."
ამ სიახლეზე კომენტარები გათიშულია.
კომენტარები [ 5 ]