რაფინიამ ვარჯიში ავადმყოფობის გამო გამოტოვა
როგორც Sport-ი იუწყება, რიო 2016-ის ოქროს მედალის მფლობელმა, რაფინიამ, ოთხშაბათის ვარჯიში ავადმყოფობის გამო გამოტოვა.
როგორც ვიცით, ენრიკემ "რეალ ბეტისის" წინააღმდეგ გამარჯვების შემდეგ, გუნდს 2 დღიანი დასვენება გამოუწერა, რომლისგანაც ფეხბურთელები ოთხშაბათს დაბრუნდნენ. ასევე უნდა დაბრუნებულიყო და გუნდთან ერთად უნდა ევარჯიშა ოლიმპიური ოქროს მფლობელ რაფინიას.
რაფინია ოთხშაბათს დილით, სავარჯიშო მოედანზეც კი მივიდა, თუმცა მას შემდეგ რაც მას კლუბის ექიმებმა დასვენება ურჩიეს, "ბარსელონამ" გადაწყვიტა ბრაზილიელი ვარჯიშისგან გაეთავისუფლებინა.
თუ სიტუაცია არ გართულდა, რაფინია დიდი ალბათობით კლუბთან ერთად, "ბილბაოსთან" მატჩამდე, ბოლო ვარჯიშს მაინც დაესწრება.
როგორც ცნობილი გახდა, 23 წლის ნახევარმცველი ძალიან მონდომებულია და სურს ამ სეზონში რაც შეიძლება მეტი დრო გაატაროს მოედანზე "ბარსელონას" მაისურით.
თუმცა გუნდში მყოფი ნახევარმცველების კლასის გათვალისწინებით, რაფინიას დროის მოპოვება ძალიან გაუჭირდება.
ამ სიახლეზე კომენტარები გათიშულია.
კომენტარები [ 6 ]