„ბარსელონა“ იანიკ ფერეირა-კარასკოს აკვირდება

საიტის მომხმარებლებს უკვე მიეწოდა ინფორმაცია იმის შესახებ, რომ რობერტ ფერნანდესი გუნდს კატალონიაში არ გაჰყოლია, არამედ ესპანეთში დარჩა და "ატლეტიკო" - "ბაიერნის" შეხვედრას დაესწრო საულ ნიგესსა და ალაბაზე დასაკვირვებლად.

თუმცა, Sport-ის ჟურნალისტები ფიქრობენ, რომ "ბარსელონას" არც ნიგესი და არც ალაბა აინტერესებდა. კატალონიელებს იანიკ ფერეირა-კარასკოს თამაში აინტერესებდათ, რომელმაც გამარჯვების გოლი გაიტანა.

თუ გამოცემას დავუჯერებთ, "ბარსელონას" ჭირდება ისეთი ფეხბურთელი, რომელიც მოკლე-საშუალო ვადით ითამაშებს გუნდში და ასეთი სწორედ 23 წლის ბელგიელი ფორვარდია.

ოპერაცია "კარასკოს გადაბირება" გასულ ზაფხულზე იყო დაგეგმილი, მაგრამ შეთანხმება ვერ მოხერხდა. ცნობისთვის, მისი გამოსასყიდი თანხა 40 მილიონია, ხოლო კონტრაქტი კი 2020 წლამდეა გათვლილი.