პრობლემები დაცვაში
ჟერემი მატიეს ტრავმამ "ბარსელონას" პირველ გუნდში არსებული დაცვის პრობლემები კიდევ უფრო დაამძიმა. ლუის ენრიკეს დაცვის პირველი ფეხბურთელებით დაკომპლექტება შეუძლია, მაგრამ სათადარიგოთა სკამის შესავსებად, მას, სავარაუდოდ, "ბარსა ბ"-ს ფეხბურთელი დაჭირდება.
"ბარსელონას" ლაზარეთში ხორდი ალბა, ხერარდ პიკე და ჟერემი მატიე არიან. ეს ნიშნავს, რომ პირველი გუნდის მცველებიდან ლუის ენრიკეს განკარგულებაში მხოლოდ სერჟი რობერტო, ხავიერ მასკერანო, სამუელ უმტიტი, ლუკა დინი და ალეიშ ვიდალი არიან. ამ უკანასკნელის მოედანზე გამოჩენა თითქმის გამორიცხულია. შესაბამისად, უკვე ვიცით, თუ რომელი ოთხეული დაიწყებს "გრანადასთან" მატჩს სასტარტო შემადგენლობაში.
რაც შეეხება სათადარიგოთა სკამს - აქ მოხვედრის კანდიდატები უკვე ხსენებული ვიდალი, "ბარსა ბ"-ს მარჯვენა მცველი ნილი პერდომო და იმავე გუნდში მოთამაშე ცენტრალური მცველი მარლონ სანტოსი არიან.
ამ სიახლეზე კომენტარები გათიშულია.
კომენტარები [ 6 ]