დრამატული სიტუაცია დაცვის ხაზში: ბოსს რამდენიმე გამოსავალი აქვს

ესპანეთის პრიმერა დივიზიონის მე-12 ტურში, კატალონიის "ბარსელონა" "მალაგას" უმასპინძლებს. ლუის ენრიკეს მეტოქესთან გამკლავების გარდა სხვა საფიქრალი აქვს. ფიფას ვირუსმა "ბლაუგრანას" მორიგი ფეხბურთელი დააზიანა. სერჟი რობერტომ აქილევსის მყესის არეში ტკივილი იგრძნო.

ამის გარდა, ნაკრების განკარგულებაში მყოფი სხვა ფეხბურთელები შესაძლოა კლუბს ძალიან დაღლილები დაუბრუნდნენ. ვნახოთ რა მდგომარეობაა დაცვის ხაზში.

მარჯვენა მცველის პოზიცია

სერჟი რობერტო ტრავმირებულია, ხოლო ალეიშ ვიდალი უკვე დიდი ხანია ლუის ენრიკეს გუნდის ნაწილად აღარ ითვლება. ესპანელი ფეხბურთელი ოსტრაკიზმში ცხოვრობს. სარეზერვო გუნდის წევრი, ნილი პერდომოც დაზიანებულია. ის 1 თვეს გამოტოვებს. "ბლაუგრანას" ბოსი ვალდებულია მარჯვენა მცველი იპოვოს.

დაცვის ცენტრი

სამუელ უმტიტი ლაზარეთში იმყოფება.

ლუის ენრიკე იმედოვნებს, რომ ჟერარ პიკე "მალაგასთან" მატჩისთვის სრულად გამოჯანმრთელებას მოასწრებს. ესპანელი მცველი ექიმთა ნებართვას ელოდება.

პიკე 1 თვის მანძილზე ტრავმირებული იყო, შესაბამისად "მალაგასთან" მატჩის სრულად ჩატარება გარკვეულ რისკს შეიცავს. მატიე იმავე მდგომარეობაშია.

ხავიერ მასკერანო გუნდს "მალაგასთან" მატჩამდე 48 საათით ადრე დაუბრუნდება. მას რთული შეხვედრა ელის წინ. ლუჩომ შესაძლოა სარეზერვო გუნდის ფეხბურთელი, მარლონ სანტოსი გამოიძახოს.

მარცხენა მცველის პოზიცია

ლუკა დინს არანაირი დაზიანება არ აქვს. "ბარსელონას" მიერ გამართულ უკანასკნელ 6 შეხვედრაში ფრანგმა მცველმა მოედანზე, 90 წუთი დაჰყო. ჟორდი ალბამ პიკესა და მატიეს მსგავსად სერიოზული ტრავმა მოიშუშა. სავარაუდოდ ფეხბურთელი "მალაგასთან" მატჩისთვის მზად იქნება.