ტებასმა საპასუხო კომენტარი გააკეთა
ესპანეთის საფეხბურთო ლიგის პრეზიდენტმა, ხავიერ ტებასმა "ბარსელონას" ფეხბურთელების საქციელზე კომენტარი გააკეთა. საპასუხოდ კატალონიელებმა სპორტის ადმინისტრაციულ ტრიბუნაში საჩივარი შეიტანეს.
ამის მიზეზი ტებასის კრიტიკა გახდა, რომელმაც "ბლაუგრანას" ფეხბურთელების საქციელი არ მოიწონა.
შეხვედრის მიწურულს გატანილი გოლი, "ბარსელონელებმა" მასპინძელი გუნდის ქომაგთა ტრიბუნასთან ახლოს აღნიშნეს. ამან დაპირისპირება გამოიწვია. "ვალენსიას" ფანმა სტუმართა მოთამაშეების მიმართულებით ბოთლი ისროლა.
სროლის შემდეგ ლუის სუარესი, ნეიმარი და კიდევ რამდენიმე ფეხბურთელი ძირს დაეცა. ტებასი და მისი თანამშრომლები მიიჩნევენ, რომ "ბარსელონას" ფეხბურთელები სიმულირებდნენ.
"ბარსელონას" პრეზიდენტმა განაცხადა, რომ ტებასისთვის უმჯობესია სტადიონზე დისციპლინის დამყარებასა და ძალადობის შემცირებაზე იზრუნოს.
"ძალადობის თაობაზე ისინი ცდებიან. თუ ვინმეს აქვს მორალური უფლება, რომ ამ თემაზე ისაუბროს, მაშინ ეს მე ვარ. ბართომეუსა და მედიას შევახსენებდი, რომ თავის დროზე მესი, როსელი და პიკე დავიცავი, როცა მათ ირგვლივ გამეფებული უსამართლობა შევამჩნიე." - განაცხადა ტებასმა.
ამ სიახლეზე კომენტარები გათიშულია.
კომენტარები [ 3 ]