ალკანტარა ვალენსიაში მომხდარზე საუბრობს

კატალონიის "ბარსელონას" ნახევარმცველმა, რაფინია ალკანტარამ "ვალენსიასთან" მატჩში (3:2) მომხდარ ინციდენტზე ისაუბრა. "ღამურების" ქომაგმა "ბლაუგრანას" ფეხბურთელების მიმართულებით ბოთლი ისროლა.

"ტებასის კომენტარები გვაკვირვებს. როგორც ლიგის პრეზიდენტი, ის ფეხბურთელებს უნდა იცავდეს. თუ გოლის მსგავსად აღნიშვნა არ შეიძლება, მაშინ უმჯობესია "ბარსელონამ" ეს საერთოდ აღარ გააკეთოს." - განაცხადა ალკანტარამ.

უკანასკნელ წუთებში გატანილი გოლი "ბარსელონას" ფეხბურთელებმა, "ვალენსიას" ქომაგთა ტრიბუნებთან ახლოს აღნიშნეს, რამაც დაპირისპირება გამოიწვია.