La Sexta: მესის კონფლიქტი არტეტასთან მოუვიდა

ესპანური ტელეარხის, La Sexta-ს ინფორმაციით, "მანჩესტერ სიტისა" და "ბარსელონას" შორის გამართული მატჩის დროს, გასახდელისკენ მიმავალ გვირაბში, ლიონელ მესის კონფლიქტი "ქალაქელთა" მთავარი მწვრთნელის თანაშემწესთან, მიკელ არტეტასთან ჰქონდა.

ესპანელი ჟურნალისტების ცნობით, "ბარსელონასთან" 3:1 მოგების შემდეგ, არტეტამ მესის უთხრა: "რას ელოდები? წადი გასახდელში, ტ...ო". რაზეც მესიმ უპასუხა: "იდიოტო, მოდი აქ. არ გაიქცე და ჩემგან დამალვა არ სცადო."

აქამდე გავრცელებული ცნობებით, მესის კონფლიქტი ფერნანდინიოსთან მოუვიდა, მაგრამ "სიტის" ბრაზილიელმა ფეხბურთელმა ეს ინფორმაცია უარყო.