ნეიმარის დაპატიმრებას პროკურატურაც ითხოვს

"ბარსელონას" ბრაზილიელ ვარსკვლავს, ნეიმარ ჟუნიორს, სამართალდამცავ ორგანოებთან კვლავ პრობლემები აქვს. ესპანური პრესის ცნობით, მის დაპატიმრებას არა მხოლოდ კომპანია DIS, არამედ პროკურატურაც ითხოვს.

აქამდე არსებული ინფორმაციით, ნეიმარის, მისი მამის, სანდრო როსელისა და ხოსეპ მარია ბართომეუსთვის საპატიმრო სასჯელის შეფარდებას DIS ითხოვდა, რომელსაც მიაჩნია, რომ 2013 წელს "სანტოსიდან" "ბარსელონაში" ფეხბურთელის ტრანსფერის დროს, ამ კომპანიას ზიანი მიადგა, ამის მიზეზი კი თაღლითობა იყო.

საქმეს ესპანეთის სასამართლო კვლავ იძიებს. თუ უახლოეს ცნობებს დავუჯერებთ, პროკურატურამ ნეიმარისთვის 2-წლიანი პატიმრობის შეფარდება მოითხოვა. ბრალი ასევე წაუყენეს ფეხბურთელის მამას და "ბარსას" ყოფილ და ამჟამინდელ პრეზიდენტებს - სანდრო როსელსა და ხოსეპ მარია ბართომეუს. პროკურატურა ასევე ითხოვს, რომ "ბარსელონას" 8.4 მილიონი ეროს გადახდა დაეკისროს.