მასკერანო: "ჯგუფში პირველი ადგილი დავიკავეთ და ახლა ლა ლიგაზე ფიქრი შეგვიძლია"

"ბარსელონას" მცველმა, ხავიერ მასკერანომ, "სელტიკთან" გამარჯვების შემდეგ (2:0) კომენტარი გააკეთა.

"ახლა ჩვენ მხოლოდ ლა ლიგაზე ვართ კონცენტრირებულები, რადგან ჩემპიონთა ლიგის ჯგუფიდან პირველი ადგილით გავედით.

ჩვენ საკმარისი მომენტები შევქმენით და უფრო მყარი ანგარიშით მოგება შევძელით.

მესი და ნეიმარი - მსოფლიო კლასის ფეხბურთელები. როდესაც მათ თამაში გამოსდით, ისინი წარმოუდგენლები არიან.

ჩვენ ყოველთვის გამარჯვება გვსურს. "მალაგას" წინააღმდეგ გამარჯვება დავიმსახურეთ, მაგრამ ამას ვერ მივაღწიეთ - კამენი დიდებული იყო.

მატჩი მეტოქის მოედანზე ჩავატარეთ, სადაც ათასობით გულშემატკივარი აქტიურად უჭერდა მხარს "სელტიკს". კარგია, რომ სამი ქულის წამოღება შევძელით." - თქვა მასკერანომ.