პაკომ სადებიუტო გოლი გაიტანა

13 დეკემბერს, კატალონიის "ბარსელონა" ყატარში "ალ აჰლის" დაუპირისპირდა და 5:3 გაიმარჯვა. შეხვედრა სანახაობრივი გამოდგა.

23 წლის ფორვარდმა, პაკო ალკასერმა კატალონიური კლუბის რიგებში სადებიუტო გოლის გატანა მოახერხა. ზაფხულში "ბარსელონამ" ესპანელის სანაცვლოდ 30 მილიონი ევრო გადაიხადა და "ვალენსიაში" არენდით მუნირ ელ ჰადადი გაუშვა.

ესპანელმა ფორვარდმა "ბარსელონას" რიგებში ყველა ტურნირზე საერთო ჯამში 11 მატჩი ჩაატარა და 1 შედეგიანი გადაცემა გააკეთა. პაკოს ოფიციალურ შეხვედრაში გოლი ჯერ არ აქვს გატანილი.