სუარესი: "ბევრი შანსი ვერ გამოვიყენეთ"

ესპანეთის პრიმერა დივიზიონის მე-17 ტურის მატჩის შემდეგ, სადაც ერთმანეთს "ბარსელონა" და "ვილიარეალი" დაუპირისპირდნენ (1:1), კატალონიური კლუბის ფორვარდი ლუის სუარესი გამოტყდა, რომ უფრო უკეთესი შედეგის მიღწევის იმედი ჰქონდა.

"2 ქულა დავკარგეთ, მაგრამ წინ კიდევ მრავალი მატჩი გველის. გუნდმა მაღალი დონის ფეხბურთი აჩვენა, გამარჯვება უნდა მოგვეპოვებინა. შედეგი ბოლომდე სამართლიანი არ არის, რადგან ჩვენ მოსაგებად ყველაფერი გავაკეთეთ.

ბევრი შანსი გვქონდა, რომელიც აუცილებლად უნდა გამოგვეყენებინა, მაგრამ ეს ფეხბურთია - მუშაობა უნდა გავაგრძელოთ." - განაცხადა სუარესმა.

17 ტურის შემდეგ "ბარსელონა" 35 ქულით მე-3 ადგილზეა. კატალონიელები "სევილიას" 1 ქულით, ხოლო ლიდერ მადრიდის "რეალს" კი 5 ქულით ჩამორჩებიან. უნდა აღინიშნოს, რომ "სამეფო კლუბს" თადარიგში 1 მატჩი აქვს.