მენდილიბარი: "ეიბარისთვის" "ბარსელონას" დამარცხება თითქმის შეუძლებელია"

"ეიბარის" მთავარი მწვრთნელი, ხოსე ლუის მენდილიბარი მიიჩნევს, რომ მისი გუნდი ესპანეთის პრიმერა დივიზიონის მე-19 ტურის მატჩში "ბარსელონასთან" დიდი ანგარიშით მარცხს არ იმსახურებდა. გუშინ "იპურუაზე" მასპინძლებმა 4 უპასუხო გოლი გაუშვეს.

"ეიბარისთვის" "ბარსელონას" დამარცხება თითქმის შეუძლებელია. მათ შეჩერებას ძალიან დიდი ენერგია სჭირდება, რის გამოც შეტევის განსახორციელებლად ძალა აღარ გვრჩება.

ვფიქრობ, რომ "ეიბარს" "ბარსელონასთან" მატჩში ასეთი ანგარიშით დამარცხება არ დაუმსახურებია. დიახ, მეტოქემ საგოლე მომენტები შექმნა, მაგრამ გუნდებს შორის ამხელა განსხვავება არ ყოფილა."-განაცხადა მენდილიბარმა.