"ბარსელონა" სამეფო თასის ფინალშია

ახლახანს დასრულდა დრამატული მატჩი "კამპ ნოუზე" ადგილობრივ "ბარსელონასა" და მადრიდის "ატლეტიკოს" შორის, შედეგად ცნობილი გახდა პირველი ფინალისტის ვინაობა.

მატჩი ფრედ, 1:1 დასრულდა და "ლურჯ-ბროწეულისფრებმა" ორი მატჩის ჯამში 3:2 იმარჯვეს, რაც იმას ნიშნავს, რომ კატალონიელები კოპა დელ რეის ფინალში ზედიზედ მეოთხედ ითამაშებენ.

"ბარსელონას" მეტოქე ხვალ გაირკვევა. მეორე ნახევარფინალური წყვილი "სელტა" - "ალავესი" გახლავთ, პირველი მატჩი 0:0 დასრულდა.