ოფიციალურად: 4-მატჩიანი დისკვალიფიკაცია მესის

ცოტა ხნის წინ, FIFA-ს ოფიციალურმა ვებგვერდმა დაადასტურა, რომ არგენტინელი ეროვნული ნაკრების კაპიტანი ლიონელ მესი 4 თამაშითაა დისკვალიფიცირებული. ამის მიზეზი არბიტრისთვის შეურაცხყოფის მიყენებაა.

ოფიციალური ინფორმაციით, 29 წლის ფეხბურთელმა გვერდით არბიტრს შეურაცხყოფა არგენტინასა და ჩილეს შორის გამართული შეხვედრის (1:0) დროს მიაყენა. დღეს გავრცელებული ინფორმაციით, მესის 2-დან 4 მატჩამდე დისკვალიფიკაცია ემუქრებოდა და მიუხედავად იმისა, რომ თავად არბიტრი შეურაცხყოფის ფაქტს არ ადსატურებს, FIFA-მ ფეხბურთელს მაინც მაქსიმალური სასჯელი გამოუტანა.

ლეო მესი დღეს ბოლივიის, 31 აგვისტოს ურუგვაის, 5 სექტემბერს ვენესუელას, ხოლო 10 სექტემბერს პერუს წინააღმდეგ ვერ ითამაშებს.

გარდა ამისა, ლეოს 9350 ევროს გადახდაც მოუწევს.