ვინისიუსი მზადაა "ბარსელონაში" ერთი პირობით გადავიდეს

ბრაზილიური "ფლამენგოს" ახალგაზრდა ფორვარდი, ვინისიუს ჟუნიორი მზადაა "ბარსელონას" წინადადება მიიღოს და ესპანეთში გადაბარგდეს.

თუმცა, როგორც Don Balon იტყობინება, 16 წლის თავდამსხმელმა "ლურჯ-ბროწეულისფერებს" ერთი პირობა წაუყენა - ევროპულმა კლუბმა უახლოესი გარიგების სიცხადე უნდა უზრუნველყოს. ბრაზილიელმა თავისი გადაწყვეტილება იმით ახსნა, რომ მას არ სურს მომავალში "ბარსას" წამყვანი ფეხბურთელების, ლიონელ მესისა და ნეიმარის ბედი გაიზიაროს, რომლებსაც ესპანეთის საგადასახადო ორგანოებთან პრობლემები აქვთ.