ბართომეუ: "რეფერენდუმის მხარდაჭერა პარტიზანობა არაა"
"ბარსელონას" პრეზიდენტმა, ხოსეპ მარია ბართომეუმ, კატალონიის დამოუკიდებლობასთან დაკავშირებით გასამართ რეფერენდუმზე ისაუბრა. მისი თქმით, რეფერენდუმის მხარდაჭერა პარტიზანობას არ ნიშნავს.
"ბარსელონა" რეფერენდუმის გამართვას მხარს ღიად უჭერს, რის გამოც კატალონიურ კლუბს აკრიტიკებენ. თუმცა რეფერენდუმის მხარდაჭერა კატალონიის დამოუკიდებლობასთან დაკავშირებით პოზიციის დაფიქსირებას სულაც არ ნიშნავს.
"მათ, ვინც ამბობს, რომ "ბარსელონა" პოლიტიკური გახდა, ვეტყვი, რომ ჩვენ პარტიზანები არ ვართ. რეფერენდუმის მხარდაჭერა პარტიზანობას არ ნიშნავს.
კატალონიას უახლეს ისტორიაში ერთ-ერთი გადამწყვეტი მომენტი უდგას. საქმე იდენტობას ეხება.
"ბარსელონას" არ შეუძლია რეალობას მოწყდეს. ეს აბსურდი იქნება, რადგან ჩვენი კლუბი კატალონიის ერთ-ერთ მთავარი ინსტიტუტია.
როდესაც ვამბობ, რომ ვართ მეტი, ვიდრე კლუბი, ეს არ ნიშნავს მხოლოდ იმას, რომ ჩვენ ჩვენ ღირებულებებს ვავრცელებთ, არამედ იმასაც, რომ ჩვენ ვართ ჩვენი ქვეყნის ღირებულებების, მათ შორის დემოკრატიისა და გამოხატვის თავისუფლების დამცველნიც.
ჩვენ არ ვამბობთ, რომ რეფერენდუმში განსახილველი საკითხის მომხრენი, ან წინააღმდეგნი ვართ. ეს შეცდომა იქნებოდა. ჩვენ, უბრალოდ, პატივს ვცემთ ყველას აზრს." - ციტირებს ბართომეუს სიტყვებს Marca.
ამ სიახლეზე კომენტარები გათიშულია.
კომენტარები [ 17 ]