"ბარსელონას" ქალთა გუნდი "კოპა დე ლა რეინას" გამარვებულია

დღეს, თბილისის დროით დღის ორის ნახევარზე გაიმართა "კოპა დე ლა რეინას" ფინალი, სადაც "ბარსელონას" ქალთა გუნდმა "ატლეტიკოს" 4-1 სძლია.

აღნიშნული მატჩი ბოლო იყო კატალონიელთა მთავარი მწვრთნელისთვის, ხავი ლიორენსისათვის, რომელიც საკუთარმა შეგირდებმა იდეალურად გააცილეს - დაამარცხეს რა საკმაოდ რთული და პრინციპული მეტოქე დიდი ანგარიშით.

მატჩი თავიდანვე "ბლაუგრანას" უპირატესობით დაიწყო. საბოლოოდ, ეს უპირატესობა შეხვედრის 41-ე წუთზე ჯენიფერ ჰერმოსომ გოლად აქცია.

მეორე ტაიმის დასაწყისშივე, 48-ე წუთზე, ალექსია პუტელას ძალიან კარგი თამაში ისევ ჯენიფერ ჰერმოსომ დააგვირგვინა და დუბლი გაიფორმა.

9 წუთში, 57-ე წუთზე სონია ბერმუდესმა სხვაობა შეამცირა, თუმცა 2 ბურთიანი უპირატესობა მალევე აღდგა 70-ე წუთზე პუტელას გოლის წყალობით. ტაბლოზე საბოლოო ანგარიში კი შეხვედრის 83-ე წუთზე აიტანა ბონმატიმ დააფიქსირა - 4-1.