ჩავიმ კლუბს ვერატის გაფორმება კიდევ ერთხელ ურჩია
"ბარსელონას" ექს-კაპიტანმა, ჩავი ერნანდესმა, რომელიც ამჟამად კატარში იმყოფება, თავის ყოფილ კლუბთან მარკო ვერატის კიდევ ერთხელ გაუწია რეკომენდაცია. ესპანელი ნახევარმცელი, რომელიც ერთ-ერთი პირველი იყო, ვისაც პსჟ-ს ფეხბურთელის კატალონიურ გრანდში ხილვა სურდა, ფიქრობს, რომ იტალიელი "ბლაუგრანას" იდეალურად გააძლიერებს.
"ჩემთვის, ეს "ბარსელონას" საუკეთესო ტრანსფერი იქნებოდა. ის შესანიშნავი ფეხბურთელია. მე არ ვსაუბრობ იმაზე, 70 მილიონი ღირს იგი თუ 200 - მე მხოლოდ მისი თამაშის სპორტულ ასპექტებზე ვამახვილებ ყურადღებას და ის დღეს საუკეთესო ნახევარმცველია, რომელიც "ბლაუგრანას" ფილოსოფიას კარგად მოერგება."
ლეგენდარულმა ფეხბურთელმა კომენტარი მის ყოფილ მეწყვილეზეც გააკეთა და ანდრეს ინიესტას კონტრაქტის გახანგრძლივებაზე ისაუბრა. "მე მისი კარგად მესმის, რადგან როცა 32-33 წლის ხარ, იწყებ ფიქრს მომავალზე. ვფიქრობ, რომ ვალვერდე მისი თამაშის ხარისხს გააუმჯობესებს - ანდრესს მომავალ სეზონშიც "ბარსელონაში" ვხედავ."
ამ სიახლეზე კომენტარები გათიშულია.
კომენტარები [ 7 ]