პსჟ-სთან 6:1 მოგება Laureus Award-ის ჯილდოზეა წარდგენილი

"ბარსელონას" მიერ "პარი სენ-ჟერმენის" 6:1 დამარცხება Laureus Award-ის წლის საუკეთესო სპორტული ეპიზოდის ჯილდოზეა წარდგენილი.

მიმდინარე წლის 14 თებერვალს, "ბარსელონას" 14-წლამდელთა გუნდი 2016 წლის საუკეთესო სპორტული ეპიზოდის ავტორად დასახელდა. გემახსოვრებათ, როგორ ამშვიდებდნენ პატარა კატალონიელები წაგებულ მეტოქეს.

ზუსტად იმ დღეს, როდესაც "ბარსას" 14-წლამდელთა გუნდი Laureus Award-ის გამარჯვებულად გამოცხადდა, კატალონიელთა პირველი გუნდი პსჟ-სთან 0:4 განადგურდა. თუმცა, "ბარსამ" განმეორებითი თამაში 6:1 მოიგო.

სწორედ ეს განმეორებითი შეხვედრაა წარდგენილი 2017 წლის საუკეთესო სპორტული ეპიზოდის წოდებაზე.

გამარჯვებული ხმის მიცემით გამოვლინდება. "ბარსელონა", ამჟამად, მე-2 ადგილზეა. ხმის მიცემა ამ გვერდზე შეგიძლიათ: https://mylaureus.com/