მესის მორიგი მიღწევა

სტატისტიკური პორტალის, Opta Jose-ს Twitter-ის ოფიციალურ გვერდზე "ბარსელონასა" და არგენტინის ნაკრების ლიდერის, ლიონელ მესის შესახებ საინტერესო ინფორმაცია გავრცელდა.

როგორც იცით, ლა ლიგის მე-2 ტურის მატჩში "ბარსელონას" ფორვარდმა "ალავესის" კარში დუბლი გაიფორმა და ახლა ის ერთადერთი ფეხბურთელია, რომელმაც ესპანეთის ჩემპიონატის ბოლო 14 გათამაშებაში მინიმუმ 1 გოლი მაინც გაიტანა.

"ბლაუგრანას" რიგებში ჩატარებულ ბოლო 25 მატჩში, მესიმ 26-ჯერ აიღო მეტოქის კარი. აღსანიშნავია აგრეთვე ის ფაქტიც, რომ არგენტინელი ფეხბურთელისა და კრიშტიანუ რონალდუს მიერ დარტყმული პენალტის მოგერიება მხოლოდ ორმა მეკარემ შეძლო. ესენი არიან ფერნანდო პაჩეკო და გორკა ირაისოსი.