"ბარსელონას" სატრანსფერო სამიზნე, გილერმე არანა - "ახალი მარსელო" [ვიდეო]

ვრცელდება ინფორმაცია, რომ "ბარსელონა" "კორინთიანსის" ახალგაზრდა ბრაზილიელი მცველის, გილერმე არანას შეძენითაა დაინტერესებული. 20 წლის ფეხბურთელი მსოფლიო ასპარეზზე მიმდინარე სეზონში გამოჩნდა და ბრაზილიის ახალგაზრდულ ნაკრებთან ერთად სამხრეთ ამერიკის ჩემპიონატზეც მიიღო მონაწილეობა. მან კარგი თამაშით თავი უკვე ბევრ კლუბს მოაწონა, მათ შორის "სევილიას" და მადრიდის "ატლეტიკოს". არანას მადრიდის "რეალის" ერთ-ერთ გამორჩეულ ფეხბურთელს, მარსელოსაც ადარებენ.

როგორც "კორინთიანსის" პრეზიდენტი რობერტო დე ანდრადე აცხადებს, მისი გუნდი ფინანსურ კრიზისს განიცდის და ნიჭიერი ფეხბურთელის გაყიდვაზე თანახმა იქნება.

[media=https://www.youtube.com/watch?v=kR1VhfOCoSc]