"ლეგანიესი"-"ბარსელონა" - ერნესტო ვალვერდე მატჩის წინ
"ბარსელონას" მთავარმა მწვრთნელმა, ერნესტო ვალვერდემ, ესპანეთის ჩემპიონატის მე-12 ტურში "ლეგანესთან" ხვალ სტუმრად გასამართი მატჩის წინ, ჟურნალისტებთან პრესკონფერენციაზე ისაუბრა.
"ლეგანესთან" თამაში
"ჩვენთვის, ამ ეტაპზე, მადრიდში გასამართი დაპირისპირებებიდან ყველაზე მნიშვნელოვანი ხვალინდელი შეხვედრაა.
ხვალ, საუკეთესო გუნდით ვითამაშებთ, იმის მიუხედავად, რომ შემდეგ რთული კვირა გველის.
ასეთ შეხვედრებს განსაკუთრებით უნდა ვუფრთხოდეთ. გასულ სეზონში, იყო შემთხვევები, როდესაც ასეთ მატჩებში გუნდმა ქულები დაკარგა.
შესაძლოა, "ლეგანესთან" თამაში ისეთივე გლამურული არაა, როგორც, მაგალითად, "ატლეტიკოს" წინააღმდეგ, მაგრამ ჩვენ აქაც 3 ქულისთვის ვთამაშობთ. ასეთი თამაშები რთულია და მეტოქე უნდა დავაფასოთ."
ლუის სუარესი
"სუარეს თავს კარგად გრძნობს. მას მკურნალობის განსაკუთრებული კურსი ჩაუტარდა. ის კარგად ვარჯიშობდა და თამაშს შესძლებს."
დენის სუარესი
"დენისი იმ გუნდის შემადგენელი ნაწილია, რომელშიც ძალიან დიდი კონკურენციაა. ის კარგად ვარჯიშობს და მის გამო მოხარულნი ვართ. თუმცა, თამაშის საშუალება ყველას ვერ ექნება."
ანტუან გრიზმანი
"გრიზმანი? ის მაღალი დონის ფეხბურთელია და ყოველ ჯერზე, როდესაც ვინმეს სახელს "ბარსელონას" უკავშირებენ, საქმე უმაღლესი დონის მოთამაშესთან გვაქვს. არსებული გუნდით კმაყოფილი ვარ. ვნახოთ, რა მოხდება მომავალში."
პრობლემები დაცვის ცენტრში
"გუნდში, რომელშიც უმაღლესი დონის 4 ცენტრალური მცველი თამაშობს, ამ პოზიციაზე პრობლემების გამკლავება მარტივია. ჩვენ ასევე შეგვიძლია გამოვიყენოთ "ბარსა ბ"-ს ფეხბურთელები. თუ რამე გასაჭირი იქნება, ჩვენ მას დავძლევთ. აქ სწორედ ამისთვის ვართ."
ვიდეორეფერი
"ვიდეორეფერი ბევრ რამეს უფრო სამართლიანს გახდის, მაგრამ საკამათო სიტუაციები კვლავ იქნება. იდეა კარგია, მაგრამ მის სრულად დასანერგად დროა საჭირო."
"ბარსელონა" და "ლეგანესი" ერთმანეთს ხვალ, თბილისის დროით 19 საათსა და 15 წუთზე დაუპირისპირდებიან.
ამ სიახლეზე კომენტარები გათიშულია.
კომენტარები [ 3 ]