Marca: არტურის "ბარსელონაში" ტრანსფერი ჩაიშალა

"გრემიოს" ნახევარმცველი, არტურ რამოსი "ბარსელონაში" არ გადავა.

კატალონიური კლუბის წარმომადგენლები ამ კვირაში "გრემიოს" ხელმძღვანელობასა და ფეხბურთელის აგენტებს შეხვდნენ, თუმცა, Marca-ს ცნობით, მოლაპარაკებები წარუმატებლად დასრულდა.

მხარეებმა ტრანსფერის პირობები ვერ შეათანხმეს, კერძოდ, საკომისიო გადასახადები და 21 წლის მოთამაშის ხელფასი.

ერთ-ერთი მიზეზი, თუ რატომაც "ბარსელონამ" შეთავაზებულ პირობებზე უარი თქვა, ის არის, რომ 2019 წლის იანვარში, შესაძლოა, გუნდის შემადგენლობაში არტურის ადგილი აღარ იყოს, ვინაიდან, ამჟამად, "ლურჯ-ბროწეულისფერთა" განაცხადში ყველა იმ მოთამაშეს აქვს ადგილი დაკავებული, რომლებიც ევროკავშირიდან არ არიან.

El Mundo Deportivo-ს ინფორმაციით კი, "გრემიოს" არ აწყობდა ის, რომ "ბარსელონას" სურდა არტურის ტრანსფერის გადასახადები 1 ივლისისთვის გადაეტანა, ანუ ახალ ფინანსურ წელს.